Kryeministri i Indisë, Narendra Modi ka gjetur një mënyrë origjinale për të motivuar njerëzit që të përballojnë situatën e vështirë të krijuar nga koronavirusi.
Ai iu ka kërkuar gjithë banorëve të Indisë që të dalin në ballkonet, dritaret apo tarracat e shtëpive të tyre dhe të ndezin qirinj.
E gjitha kjo sipas kryeministrit Modi bëhet për të treguar forcën komunitare në luftë ndaj Covid-19.
Ndërkaq, para dy ditësh, The Economist shkrunte se shpëtimi i botës nga Covid-19 me sa duket do të vijë nga vendi i dytë me popullsinë më të madhe në botë, por shumica e qytetarëve jetojnë në varfëri ekstreme.
Vaksina që mund të na shpëtojë të gjithëve është përdorur te miliona fëmijë në Indi, menjëherë pas lindjes për të mbrojtur nga tuberkulozi.
Shkencëtarët amerikanë thonë vaksina e Bacillus Calmette-Guerin (BCG) mund të ndryshojë rrjedhën e historisë dhe ta mposht njëherë e përgjithmonë koronavirusin Covid-19.
“Ne zbuluam se vendet pa politika universale të vaksinimit të BCG, si Italia, Hollanda dhe Shtetet e Bashkuara, janë prekur më rëndë në krahasim me vendet me politika universale të BCG”, deklarojnë një grup studiuesish të udhëhequr nga Gonzalo Otazu, profesor asistent i shkencave biomjekësore në NYIT, vijonte më tej The Economist.
Deri më tani në Indi janë prekur nga koronavirusi 4,778 njerëz, kanë ndërruar jetë 136 persona dhe janë shëruar 375 pacientë./FJALA.AL/
