Në komunikimin e përditshëm të shifrave të rasteve të reja, viktimave dhe të shërurve nga koronavirusi, Ministria e Shëndetësisë ka bërë me dije se deri në këto momente kanë fituar luftën ndaj virusit të rrezikshëm 30% e pacientëve.
“Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 116. Pra rreth 30% e të prekurve deri tani rezultojnë të shëruar”,- tha zv.ministrja e Shëndetësisë, Mira Rakacolli.
Më tej ajo shtoi se në shërbimin infektiv aktualisht janë 66 të shtruar, 5 prej tyre janë në terapi intensive.
Në spitalin COVID-2 “Shefqet Ndroqi”, janë 7 pacientë të shtruar gjithsej, nga të cilët 6 ndodhen në terapi intensive. Në dy spitalet COVID aktualisht po marrin shërbim 73 pacientë./Fjala.al/
