Kryeministri Edi Rama iu është përgjigjur thirrjes së vazhdueshme të Partisë Demokratike për kryerjen e testimeve masive. Përmes një postimi në Twitter, Rama sqaron Partinë Demokratike se nuk është qeveria ajo që vendos se sa teste kryhen, por Komiteti Teknik i Ekspertëve.
“A mundet dikush t’ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë! Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe PIKË! PD i’a fut kot.PIKË!”, shkruan kryeministri Rama në Twitter.
Më herët Partia Demokratike përmes Dr.Mirela Tabaku i ka ripërsëritur thirrjen për testime masive qeverisë pasi sipas PD, çdo ditë e humbur me testime të ulëta ndihmon përhapjen e koronavirusit. Po ashtu sa më shumë të zgjatet strategjia e testimeve të ulëta, aq më shumë thotë ajo do ketë impakt negativ në shëndetësi, ekonomi dhe shoqëri.
