Mbrëmjen e djeshme një ngjarje e rëndë ka ndodhur në qytetin e Poliçanit.
Një 48-vjeçar është vetëvrarë në banesën e tij me armë zjarri.
Burime nga policia bëjnë me dije se, Ylber Spahiu e ka ndërmarrë aktin e vetëvrasjes në kushte të rënduara psikologjike.
Burimet konfirmojnë se,viktima ishte prej disa javësh në gjendje të rënduar psikologjike për shkak se jetonte i vetëm pas bllokimit të kufijve nga frika e përhapjes së koronavirusit pasi mbyllja e kufijve la në Greqi gruan dhe dy fëmijët e 48-vjeçarit.
Pasi dëgjuan krismat, komshinjtë njoftuan policinë e cila e gjeti 48-vjeçarin pa shenja jete. Trupi i pajetë u përcoll në morgun e Spitalit Rajonal Berat, ku pas ekspertizës rezultoi se 48-vjeçari Ylber Spahiu është vetëvrarë nga arma automatike “kallashnikov”.
