23 persona kanë lënë Spitalin Infektiv në Tiranë, pasi ia kanë dalë të shërohen nga Covid-19. Ky lajm u bë publik nga Ministrja e Shëndetësisë, Ogerta Manastirliu, pas mesnate, e cila ka publikuar edhe momente nga puna e njërit prej ekipive të mjekëve, që punon për kurimin e tyre.
“Lajm i mirë: 23 të shëruar sot, shkroi Manastirliu në “Facebook” në orët e para të 8 prillit.
Në mbrëmjen e 7 prillit i kishte shprehur mirënjohjen mjekëve: “Mirënjohëse për punën e prof. Perlat Kapisyzit, prof. asc. Alma Canit dhe ekipit të spitalit universitar “Shefqet Ndroqi”, të palodhur ditë e natë në shërbim të pacientëve që po trajtohen në spitalin COVID2”-shkruan Manastirliu./Fjala.al/
