Bota ka hyrë në garë për të gjetur ilaçin ndaj koronavirusit. Trajtimi efektiv mund të jetë shpresa e vetme për të frenuar përhapjen e koronavirusit derisa të gjendet ilaçi ndaj Covid-19.
Por sa janë afër studiuesit për të gjetur ilaçin ndaj koronavirusit?
Për javë të tëra, Presidenti Trump, me gjithë kundërshtimet e ekspertëve ka prezantuar ilaçin hidroksiklorurinë për trajtim e Covid-19.
Ajo shitet nën emrin e markës Plaquenil. Hidroksilklorina është përdorur për dekada në trajtimin e malaries, artritin reumatoid dhe lupusin.
(Vetë Trumpi ka një interes tejet të vogël në planin financiar personal të Sanofit, që është edhe prodhuesi i ilaçeve franceze që prodhon Plaquenil.)
Por, ne nuk e dimë nëse vërtetë hidroksillorina trajton Covid-19.
Nga ana tjetër, një studim i ri sugjeron se ilaçi mund të shpejtojë shërimin e rasteve të buta, siç raporton Denise Grady për The Times.
Studimet e hershme janë të kufizuara, ose me të meta serioze.
Për fat të mirë, ekziston një provë klinike mbarëkombëtare në Universitetin e Minesotas që mund të hedhë dritë në javët e ardhshme sa i përket kësaj çështjeje.
Ndërkohë, hidroksilklorina nuk duhet të merret si ilaçi i mirëqenë, shkruan Olga Lucia Torres për The Times.
Në të kundërt, hidroksilklorina mund të ketë efekte anësore serioze: dëmtim të zemrës dhe retinës, madje edhe verbëri të përhershme.
Megjithatë, ka shpresë për një ilaç të i ri terapeutik, thotë Dr. Gottlieb.
Ai përshkruan dy lloje që janë gjetur deri më tani:
Ilaçet antivirale, siç janë ato të përdorura për trajtimin e HIV-it, të cilat pengojnë virusin të përsëritet në qelizat e goditura nga Covid-19.
Ilaçet antivirale të koronavirusit janë në faza të ndryshme të zhvillimit; më inkurajues është remdesivir, që është duke u testuar në gjashtë klinika, disa prej të cilave pritet të japin rezultate përgjatë këtij muaji, sipas Matthew Harper.
A nuk mund ta gjejmë sa më shpejt vaksinën?
Zakonisht vaksinat zgjasin një dekadë ose më gjatë për t’u gjetur dhe zhvilluar. Shkencëtarët po punojnë për ta shkurtuar këtë kohë në një vit.
Kjo është arsyeja pse nevoja për trajtime në një periudhë afatmesme është emergjente dhe vaksina mund të mos jetë shpresa jonë e vetme./Përshtati nga New York Times për Fjala, B. Quku
