Në bashkëbisedimin e tij me qytetarët kryeministri Rama ka treguar edhe kapacitetet e spitaleve në vend në përballimin e situatës nga koronavirusi.
Sipas tij, në spitale ka respiratorë. Rama shpjegoi se edhe nëse 200 pacientë do të kishin nevojë për respiratorë, ata do të kishin mundësi t’i përdornin direkt ato.
Kreu i qeverisë shtoi se vetëm 4 pacientë janë me respiratorë dhe kjo ka ndodhur falë masave të marra nga qeveria.
“Nëse do kishim 200 veta që do donin respiratorë, të gjithë do kishin mundësi që ta përdornin. Ne tani kemi vetëm 4 veta me respiratorë. Jemi këtu falë Zotit, nga masat e marra dhe respektimit të tyre në mënyrë shembullore nga ana juaj. Jemi këtu sot se kemi marrë masa të parët, prandaj duhet të rezistojmë që të dalim ballë lart nga kjo luftë,“- tha Rama ndër të tjera.
