Eksperti mjekësor në Britani, Chris Whitty u shpreh se duhet të nxjerrim mësime ngaa Gjermania pasi ky vend ka regjistruar një numër shumë të ulët të vdekjeve nga koronavirusi.
Pas një rritje me 4 mijë infeksione, Gjermania tani ka 103.228 raste të konfirmuara sipas të dhënave nga Instituti Robert Koch për sëmundjet infektive.
Por numri i vdekjeve të raportuara mbetet shumë i ulët, vetëm 1861.
Shumë ekspertë kanë thënë se numri i ulët i vdekjeve ka ardhur si pasojë e testimeve të shumta.
Gjermania po kryen rreth 350 mijë testime për koronavirusin në javë, shumë më tepër se çdo vend tjetër evropian.
Ndërsa persona të tjerë kanë sugjeruar se numri i ulët i vdekjeve ka ardhur pasi të prekurit janë më të rinj se vendet e tjera.
