Nga Nikoleta Kovaçi/
Gjendej në mes të Tiranës edhe pse kishte prej më shumë se tri vitesh që ishte në kërkim. Ai ka refuzuar t`i bindej urdhërit të policisë dhe për pasojë ka ndodhur përplasja me armë. Policia pretendon se ai ka nxjerrë armën ndërkohë që në fakt të dhënat flasin se polici ka dyshuar se personi që kishte në duar një çantë brenda saj kishte armë.
Të paktën ky është versioni i parë që vjen nga policia e Tiranës ndërkohë që bëhet me dije se një plumb i punonjësit të policisë ka kapur edhe një kalimtare rasti. Personi i plagosur më pas është identifikuar dhe është mësuar se bëhet fjalë për Orges Bilbilin, lushnjarin që është edhe i shumëkërkuar për masakrën që u krye në mes të Lushnjës tri vite më parë. Në atë pritë u pretendua se kërkohej ekzekutimi i nipit të Aldo Bares, ndërkohë u vranë dy djem dhe u plagosen dy të tjerë.
Por sipas të dhënav e ai gjendet në vendin tonë prej shumë koësh e madje edhe pas asaj ngjarjeje ai është i dyshuar edhe për një sërë sulmesh të tjera me armë. Aso kohe kur ndodhi sulmi u tha se Orges Bilbili është i akuzuar si autor i masakrës së Lushnjes së bashku me Laert Haxhiun. Laert Haxhiu dhe Orges Bilbili, sipas prokurorisë janë të akuzuar për një sërë vrasjesh dhe ngjarje të tjera të rënda.
Bilbili bashkëpunëtori i Laert Haxhiut në vrasjet Lushnjë në 2017, dy të vrarë e dy të plagosur, rezulton se është dënuar me 7.4 vite burgim për trafikim lëndësh narkotike. Bashkë me Haxhiun, Orges Bilbili është i dyshuar edhe për atentatin, ku u plagosën Xhulio Shkurti (nipi i Aldo Bares) dhe Sajmo Xhelili. Madje Bilbili akuzohet edhe si bashkëpunëtor i pilotit italian Giorgio Riformato, avioni i të cilit, mbeti në rërën e bregdetin e Divjakës, teksa po përgatitej për të trafikuar lëndë narkotike nga Shqipëria për në Itali.
