Infermierja 21-vjeçare, Kate O’Flaherty nga Dublini, e përshkruan si një horror luftën ndaj koronavirusit dhe duke i’u frikësuar këtij fakti, ajo ka përgatitur testamentin e saj nëse ndodh që të infektohet dhe të vdesë.
Nëpërmjet një postimi në rrjetet sociale ajo është shprehur se këtë testament e ka vendosur diku në dhomë dhe nëse ndodh diçka e keqe vendndodhjen e di i dashuri i saj.
Gjithashtu në ditëlindjen e saj, ajo postoi një foto ku shkruante se infermjerët nuk duan t’i quajmë heronj por të luftojmë bashkë me ta.
“Është një periudhë shumë e tmerrshme për të gjithë, ku edhe ata që kanë më shumë përvojë se ne po mësojnë diçka të re. Vitin e kaluar infermierët kanë qenë në një grevë pa dobi, ndërsa këtë vit ne po konsiderohemi heronj. Ne nuk duam që ju të na quani heronjtë tuaj. Ne duam që ju të luftoni me ne, të siguroheni që infermierët dhe çdo punonjës tjetër i që shëndetit të marrë trajtimin dhe pagën meritojnë”, shkroi 21-vjeçarja./fjala.al
