Nga Nikoleta Kovaçi/
Policia e shtetit ka dalë në një reagim zyrtar në lidhje me ngjarjen që ka ndodhur ditën e sotme. Në këtë reagim janë saktësuar një sërë të dhënash që lidhen me momentin e përplasjes mes punonjësit të policisë dhe personit që kishgte dalë në xhiro me kapuç në kokë në mesditë. Sipas të dhënave zyrtare bëhet me dije se në fakt efektivi i repartit Shqiponja për asnjë moment nuk ka kërcënuar të riun që ka refuzuar t`i përgjigjet për gjërat që i ka kërkuar polici.
Madje i riu për ansjë moment nuk e ka hedhur armën duke dashur të evitojë ndjekjen nga ana e policit. Por ky i fundit ka këmbëngulur duke e ndjekur në distancë. Bashkë me të shumëkërkuarin ëhtë plagosur edhe një vajzë e cila ndodhet jashtë rerzikut për jetën po ashtu siç edhe vetë i palgosuri që tashmë do të mbahet në pranga jo vetëm për një vednim gjykate por edhe për ngjarjen e sotme, ndërsa për rastet e tjera bëhet me dije se është vetëm i dyshuar.
Reagimi
Në këtë kuadër, në Tiranë, në rrugën ” Sitki Çiço”, në afërsi të një shkolle, punonjësi i Policisë së forcës së posaçme “Shqiponjat”, i ka kërkuar një shtetasi lejen e daljes dhe dokumentin e identifikimit. Shtetasi Orgest Bilbili, 30 vjeç, nga Lushnja, e ka kundërshtuar punonjësin e Policisë dhe është larguar me vrap në brendësi të lagjes. Efektivi i Policisë e ka ndjekur. Gjatë ndjekjes 30-vjecari i ka drejtuar pistoletën punonjësit të Policisë, duke e kërcënuar për ta vrarë.
Punonjësi i Policisë i ka bërë thirrje të hedhë armën dhe të dorëzohet, por shtetasi Orgest Bilbili nuk i është bindur urdhrit të punonjësit të Policisë dhe ka vijuar lëvizjen me pistoletë në dorë. Në zbatim të procedurës standarde të punës, punonjësi i Policisë ka qëlluar njëherë në ajër për ta paralajmëruar, ndërkohë që 30-vjeçari i ka drejtuar armën, për të qëlluar punonjësin e Policisë. Në këto rrethana punonjësi i Policisë, i gjendur në kushtet e mbrojtjes së nevojshme, ka qëlluar në drejtim të 30-vjeçarit, duke e plagosur atë.
Fatkeqësisht, është plagosur jashtë rrezikut për jetën edhe shtetasja M. P., rreth 30 vjeçe, kalimtare e rastit. Nga verifikimet e bëra rezulton se shtetasi Orgest Bilbil ishte person i shpallur në kërkim dhe me rrezikshmëri të lartë shoqërore, i dyshuar për një sërë ngjarjesh të rënda kundër personit në qytetin e Lushnjës. Gjithashtu i dënuar dhe me 7 vjet e 4 muaj burg, për veprën penale ”Trafikim i narkotikëve”.
Aktualisht ky shtetas është arrestuar dhe ndodhet në Spitalin e Traumës Tirane, paraprakisht jashtë rrezikut për jetën. Në lidhje me ngjarjen është ngritur një grup i posaçëm hetimor, nën drejtimin e Prokurorisë, për zbardhjen e plotë të rrethanave te ngjarjes. Policia e Shtetit i uron shërim të shpejtë shtetases M. P. dhe garanton opinion publik se është e vendosur të përballet me cilindo që shkel ligjin e aq më tepër guxon të godasë punonjësit e Policisë.
