Një foshnjë 4-muajshe e infektuar me koronavirus në Turqi, është shëruar plotësisht pas trajtimit nëntëditor.
Sipas “Anadolu Agency” foshnja u soll në spital me ethe dhe temperaturë të lartë, dhe filloi të shërohet pas ditës së dytë të terapisë.
Spitali tha se foshnja Asya është liruar nga spitali dhe se do të qëndrojë në izolim për 14 ditë.
Mjeku Özden Turel nga Klinika e Sëmundjeve Infektive për Fëmijë në Stamboll, deklaroi se fëmijët shfaqin më pak simptoma sesa të rriturit.
“Mënyra më e mirë për të parandaluar infektimin e fëmijëve është të shmangni kontaktin me personat e infektuar. Fëmijët nuk duhet të jenë në të njëjtën dhomë me pacientët me ethe ose probleme të frymëmarrjes. Fëmijët duhet të mësojnë zakonin e larjes së duarve. Lodrat dhe sipërfaqet me të cilat fëmija është në kontakt duhet të dezinfektohen rregullisht”, tha Turel.
Ai gjithashtu tha se prindërit duhet të monitorojnë me kujdes simptomat e fëmijëve të tyre dhe në rast të rritjes së temperaturës, etheve, gulçimit, rëndimit të frymëmarrjes dhe vjelles, ata duhet të kontaktojnë menjëherë mjekun./fjala.al
