Pas një sërë diskutimesh dhe lajmesh se portieri me origjinë shqiptare Thomas Strakosha do të largohej nga Lazio për shkak të pagës, duket se ngërçi është zgjidhur.
Duket se Drejtori Sportiv i klubit italian, shqiptari Igli Tare, ia ka dalë që të bindë bashkëatdhetarin e tij që të rinovojë kontratë.
Pak ditë më parë në media qarkullonin lajme se Strakosha kërkonte më shumë nga sa i ishte ofruar dhe më në fund ka bindur Igli Tare.
Portieri shqiptar do të firmosë kontratën e re deri në vitin 2025, nga e cila do të fitojë në sezon 2.5 milion euro plus bonuset, ndërsa Strakosha ka një kontratë deri në vitin 2022 me 1.2 milion euro./Fjala.al/
