Një 39-vjeçar ka humbur jetën si pasojë e një aksidenti në Lezhë. Policia thotë se ngjarja ka ndodhur në orët e vona të mbrëmjes së djeshme.
“Në aksin rrugor Lezhë-Milot në afërsi të një karburanti, automjeti me drejtues shtetasin A.I., 39 vjeç, ka dale nga rruga, i cili për pasojë ka humbur jetën”, thuhet në njoftimin e policisë.
Nuk dihet ende nëse shkaku ka qenë shpejtësia apo ndonjë problem teknik i makinës, ndërsa policia po heton për të zbardhur shkaqet e ngjarjes.
Grupi hetimor punon për sqarimin e plotë të rrethanave të ngjarjes.
