Një 26-vjeçar me inicialet L.L, është arrestuar ditën e sotme pasi ishte shpallur në kërkim dhe akuzohej se në bashkëpunim e dy shokë të tij kanë plagosur dy vëllezër.
Ngjarja ka ndodhur më 4 janar të këtij viti në rrugën e quajtur “Kuvendi i Dukagjinit”, në qytetin e Burrelit. Nga sherri i nisur për motive të dobëta kanë mbetur të plagosur dy vëllezërit, e indetifikuar me inicialet, A.SH 25-vjeç dhe A.SH 22-vjeç, të dy banues në qytetin e Burrelit. Ditën e ngjarjes u vu në pranga personi me inicialet A.N, ndërsa vijon të jetë në kërkim, personi me inicialet XH.M.
Materialet proceduriale i kaluan Prokurorisë Rrethit Gjyqësor Mat, për veprat penale të “Vrasje me dashje” mbetur në tentative, kryer në bashkëpunim, “Përkrahja e autorit të krimit”.
