Një veteran i Luftës së Dytë Botërore në moshën 101 vjeçare, ka vdekur dy javë pasi u largua nga spitali, ku siç duket ishte shëruar nga koronavirusi.
Alberto Belluçi ka lindur në mes të pandemisë së gripit spanjoll në 1919 dhe duket se kishte fituar betejën e tij të fundit kundër Covid-19.
Por ai vdiq në shtëpi në Rimini, në veri të Italisë, më 9 prill, dy ditë pas ditëlindjes së tij të 101-të.
Mbesa e tij, Elisa tha: “Ai nuk ishte vetëm kur ndodhi. Ai arriti t’u thotë përshëndetje edhe nipërve dhe mbesave të tij, një përshëndetje, duke përdorur dorën e tij në një telefonatë “.
Shkaku i vdekjes nuk ishte i qartë, por media lokale raporton se ai është dobësuar nga koronavirusi.
Elisa tha që ai “luftoi deri në fund” dhe kur ndjeu se forca po i zvogëlohej, i thirri të gjithë nipërit me ndihmën e vajzës së tij Loretta.
Ai thuhet se qëndroi pozitiv gjatë gjithë betejës me sëmundjen dhe vdiq pranë gruas dhe vajzës së tij raporton The Sun./ Fjala.al/
