Një 55-vjeçar nga fshati Lumas i Kuçovës i ka dhënë fund jetës duke u vetëvarur në kasollen e bagëtive.
Ngjarja e rëndë ka ndodhur paraditen e sotme, ndërkohë që trupi i të ndjerit është gjetur nga bashkëshortja e tij pak pas mesdite.
Ajo ishte kthyer nga tokat bujqësore ku shkonte çdo mëngjes për të punuar, aty kishte vënë re mungesën e bashkëshortit dhe pasi e kishte kërkuar e kishte gjetur të pajetë në kasollen e bagëtive dhe ka njoftuar menjëherë policinë.
Viktima mësohet të jetë 55-vjeçari Seit Qevani, trupi i të cilit është dërguar në morgun e Spitalit Rajonal Berat, ku pas autopsisë ka rezultuar se ai është vetëvarur.
Nga burimet në Komisariatin e Policisë Kuçovë bëhet me dije se, 55-vjeçari mendohet se e ka kryer aktin e vetëvrasjes në kushte të rënduara psikologjike pasi ai vuante prej kohësh nga depresioni dhe për problemet psikike që kishte shfaqur merrte edhe mjekim.
Viktima jetonte vetëm me bashkëshorten e tij, pasi të dy fëmijët jetonin prej shumë vitesh në Greqi./Fjala.al/
