Zbulohen tre lloje të ndryshme të Covid-19, ja nga cilët është prekur Europa

113 563 lexime

124,178FansaPëlqeje

Studiuesit që hartografuan disa nga përhapjet origjinale të coronavirusit te njerëzit kanë zbuluar se ka disa variante të virusit në të gjithë botën.

Ata ndoqën rrugët e hershme evolucionare të Covid-19 ndërsa infeksioni u përhap nga Wuhan, Kinë, në Evropë dhe Amerikën e Veriut.

Duke analizuar 160 gjenomet e para të kompletuara të virusit nga pacientët, shkencëtarët zbuluan se varianti më i afërt me atë të zbuluar te lakuriqët u gjet kryesisht në pacientët nga SHBA dhe Australia, e jo Wuhan, shkruajnë mediat e huaja, përcjell Telegrafi.

Ekzistojnë “shumë mutacione të shpejta” për ta hartuar atë mjeshtërisht, tha Dr. Peter Foster

Siç bëhet e ditur, ekipi përdori të dhëna nga mostrat e marra nga e gjithë bota midis 24 dhjetorit 2019 dhe 4 marsit 2020.

Kështu, siç thuhet më tej, ata gjetën tre variante të dallueshme, por të lidhura ngushtë, të Covid-19, të cilat i quajtën A, B dhe C.

Studiuesit zbuluan se lloji më i afërt i coronavirusit me atë të zbuluar në lakuriqët – lloji A, gjenomi origjinal i virusit njerëzor – ishte i pranishëm në Wuhan, por nuk ishte tipi mbizotërues i virusit të qytetit.

Versione të ndryshuara të A u panë tek amerikanët që raportohet se kishin jetuar në Wuhan, dhe një numër i madh i viruseve të tipit A u gjetën te pacientët nga SHBA dhe Australia. Lloji kryesor i virusit Wuhan ishte B dhe ishte i përhapur në pacientët nga e gjithë Azia Lindore, megjithatë nuk udhëtoi shumë përtej rajonit pa mutacione të mëtejshme.

Ekipi përdori të dhëna nga mostrat e marra nga e gjithë bota midis 24 dhjetorit 2019 dhe 4 mars 2020

Studiuesit thonë se varianti C është lloji kryesor evropian, që gjendet tek pacientët e hershëm nga Franca, Italia, Suedia dhe Anglia.

Lexo edhe :  Momente të frikshme në aeroport, një person i vë flakën sportelit të biletave

Analiza sugjeron gjithashtu se një nga prezantimet më të hershme të virusit në Itali erdhi përmes infeksionit të parë të dokumentuar gjerman në 27 janar, dhe se një rrugë tjetër e hershme e infeksionit italian ishte e lidhur me një “grupim Singapori”.

Ai mungon te modeli i studimit i kontinentit kinez, por shihet në Singapor, Hong Kong dhe Korenë e Jugut.

Lloji origjinal është zhvendosur në SHBA dhe Australi ndërsa lloji C është përhapur në Evropë

Shkencëtarët argumentojnë se metodat e tyre mund të zbatohen për të ndihmuar në parashikimin e pikave të ardhshme globale të transmetimit dhe të rritjes së sëmundjes.

Gjetjet janë botuar në revistën Proceedings of the National Academy of Science (PNAS).

Ndërkohë thuhet se varianti A, më i lidhur ngushtë me virusin që gjendet në lakuriqët dhe pangolinat, përshkruhet si rrënja e shpërthimit nga studiuesit.

Lloji B rrjedh nga A, i ndarë nga dy mutacione, atëherë C është nga ana tjetër një ‘bijë’ e B, sugjeron studimi.

Të fundit

Familja denoncon të zhdukur ish-zv/drejtorin e AKSHI-t

Familjarët kanë denoncuar si person të humbur Daniel Shima, ish-zëvendësdrejtorin e Përgjithshëm të AKSHI-t. Mësohet se kontaktin e fundit me...

Vuçiçin e shajnë në kor edhe në vendin e tij të preferuar

Rrugët e qyteteve serbe kanë prodhuar skena të ngjashme për luftëra civile për ditë të tëra me radhë. Protestuesit kundër regjimit janë përplasur edhe fizikisht...

Trump bën gafën e radhës! Paskësh qenë dobët në Gjeografi

Gafat e Donald Trump me gjeografinë, kryesisht të shteteve të përfshira në konflikte, për të cilat ai pretendon se po i pajton, kanë qenë...

Rama vijon akuzat ndaj gjykatësit Balliu: Në 9 minuta…

Kryeministri Edi Rama ka vijuar sërish sot kritikat ndaj gjykatësit Hazbi Balliu për lirimin nga konfiskimi të një pallati pa leje, që do shërbente...

Makth në aeroportin e Milanos, 26-vjeçari i vë flakën koshit

Një ngjarje e rëndë ka ndodhur mëngjesin e sotëm në aeroportin Malpensa të Milanos ku një 26-vjeçar i vuri flakën një koshi plehrash pranë...

Lajme të tjera

Web TV