Ekspertët dhe shkencëtarët janë shprehur se koronavirusi nuk i duron dot temperaturat e larta.
Por, disa shkencëtarë francezë kanë parë se si koronavirusi i reziston për gati 1 orë temperaturës 60 gradë celsius.
Këtë përfundim ata e kanë nxjerrë në testet e tyre laboratorike të realizuara javët e fundit. Ekipi akademik i drejtuar nga profesori Remi Charrel e solli virusin pothuajse në pikën e vlimit për ta vrarë atë plotësisht dhe pa lënë asnjë gjurmë.
Në testin e parë të zhvilluar në temperaturën prej 60 gradë celsius për gati 1 orë llojet virale në ambientin e pastër u zhdukën.
I njëjti eksperiment u krye edhe sa i përket mjedisit të papastër ku disa prej këtyre infeksioneve mbijetuan pavarësisht nga temperaturat e larta.
Por në testet e tjera, ekipi francez zbuloi se një temperaturë më e lartë mund ta zhdukë koronavirusin. Për shembull, ngrohja e mostrave deri në temperaturën 92 gradë Celsius për 15 minuta e bën virusin plotësisht joaktiv.
“Virusi sillet krejt ndryshe nga njëri mjedis në tjetrin. Shumë projekte kërkimore janë ende në proces për të zgjidhur këto pikëpyetje”, thuhet në këtë studim, i cili është botuar bioRxiv.org.
Lexoni më poshtë studimin e plotë:
studimi koronavirusi by Bardhi Quku on Scribd
Koronavirusi është përhapur shumë pak në vendet tropikale, megjithatë sipas shkencëtarëve Covid-19 mund të vazhdojë edhe gjatë verës, pavarësisht ngritjes së temperaturave
