Belinda Balluku, ministrja e Infrastrukturës ka vendosur të veprojë vetëm më një kompani ajrore, për të riatdhesuar shqiptarët e mbetur jashtë kufijve.
Të drejtën për t’u kthyer ne atdhe në këtë kohë pandemie do ta kenë vetëm ata që kanë para për të paguar biletën e avionit dhe qëndrimin prej 14 ditësh në hotel.
Nga e enjtja vetëm ata që kanë mundësi financiare do të mund të kthehen në Shqipëri, por me kusht që më parë të kenë prenotuar paketën, biletë avioni dhe hotelin. Në të kundërt ata nuk do të lejohet të kalojnë kufirin e atdheut të tyre.
Pasi të bëjnë pagesën e biletës, do t’u dërgohet edhe linku me hotelin në Durrës ku duhet të rezervojë karantinimin për 14 ditë.
Qeveria shqiptare i ka dhënë të drejtë të operojë vetëm kompanisë ajrore Air Albania, duke e centralizuar këtë shërbim, pasi nuk do të lejohet përfshirja e linjave të tjera në këtë proces.
Aplikimet për biletat do të nisin nga e enjtja në orën 10:00.
Janë të shumtë, sidomos në Italinë fqinje, raste të tilla që po jetojnë në situata të vështirë por nuk kanë mundësi të paguajnë avionin dhe hotelin, por nuk ka ende një përgjigje nga qeveria lidhur me këto raste.
