Ish-presidenti Bamir Topi ka rrëfyer se gjatë kulmit të pandemisë së koronavirusit ndodhej në Kinë dhe se në Shqipëri ka mbërritur në muajin janar.
Bamir Topi tha se është vetëkarantinuar që kur është kthyer në Shqipëri.
“Nga data 9-14 janar kam qenë i ftuar në një aktivitet në Kinë, kam qenë në Pekin dhe për hir të së vërtetës dhe kur jemi larguar, nuk kishte asnjë lloj informacioni mbi të këtë virus. Jemi ndërgjegjësuar kur kemi ardhur këtu që kemi parë lajmet nga Wuhan. Kemi qenë të vëtëkarantinuar, por pa e deklaruar, sepse gjithçka mund të ndodhë, fatmirësisht nuk ndodhi,”– tha Topi në një lidhje me “Skype” në emisionin “Repolitix”.
Rasti i parë në Shqipëri u raportua më datë 9 mars, edhe pse sipas deklaratës së fundit të Silva Binos ka pasur raste me koronavirus që në fund të shkurtit.
“Sigurisht që patëm, kemi pasur raste sporadike në fund të shkurtit. Më 28 shkurt janë shfaqur shenjat e para klinike. Ka filluar qarkullimi i sëmundjes, por jo intensiv. Që në fund të janarit ne kemi filluar gjurmimin epidemiologjik të gjitha formave të rënda”, u shpreh dje Bino.
Ndërkaq në Shqipëri deri më tani kemi 494 persona të infektuar, 25 viktima dhe 251 të tjerë të shëruar nga koronavirusi.
