Koronavirusi/ Gjermania zgjat kufizimet deri në 3 maj

113 563 lexime

124,178FansaPëlqeje

Bashkë me lajmin për zbutjen e masave kufizuese për për shkak të krizës së Coronës kancelarja Angela Merkel u bëri edhe një herë thirrje qytetarëve që të respektojnë kufizimet në luftën kundër pandemisë së Coronës. Vërtet që në Gjermani spitalet, mjekët dhe stafi infermieror nuk janë të mbingarkuar, tha Merkeli pas takimit virtual me kryeministrat e landeve, por ky është vetëm “një sukses i brishtë i ndërmjetëm”.

Merkel njoftoi se shkollat do të rihapen “gradualisht” duke filluar nga data 4 maj, por shtoi se nuk ka shumë hapësirë për ndryshime të masave kufizuese ose për t’u nxituar, edhe nëse këto lidhen me qëllime të mira. Po ashtu u mor vendim që fillimisht të rihapen vetëm dyqane me sipërfaqe deri në 800 metra katrorë.

Kujdes ekstrem

Kancelarja paralajmëroi se ende nuk është gjetur ndonjë vaksinë dhe prandaj duhet të vazhdojë të ushtrohet “kujdes ekstrem”. Po për këtë arsye edhe aktivitete të mëdha si konferenca, festivale, koncerte apo festa nuk do të lejohen as muajt e ardhshëm. “Sipas vlerësimeve tona festivale apo aktivitete të mëdha nuk do të jenë të mundshme të zhvillohen deri më 31 gusht 2020,” tha kryeministri i landi të Hessenit, Volker Bouffier.

Edhe shërbesat fetare “njëherë për njëherë nuk do të lejohet të zhvillohen”, tha kancelarja Angela Merkel, duke sqaruar se këtë javë do të zhvillojë bisedime edhe me përfaqësuesit e feve.

Deutschland PK Merkel Corona (Reuters/B. von Jutrczenka)

Aplikacion për gjurmimin e të infektuarve

Kancelarja falënderoi qytetarët që respektuan në shkallë të lartë kufizimet. Liberalizimi i masave kufizuese mund të shoqërohet me detyrimin për të mbajtur maska në hapësira publike. Po ashtu në mënyrë që përhapja e virusit Corona të pengohet edhe më tej duhet të ndiqen rrugët e infeksionit dhe të kufizohen vatrat e mundshme të infeksioneve. Për këtë qeveria gjermane planifikon krijimin e një aplikacioni për smartphone, me të cilin mund të gjurmohen kontakte të mundshme me njerëz të infektuar. Por përdorimi i këtij aplikacioni do të jetë vullnetar, tha Merkel.

Lexo edhe :  Izraeli vret 9 fëmijët e një mjekeje në Gaza, regjistrohen 70 viktima në 24 orë

Vendimi që fillimisht të rihapen vetëm dyqane me sipërfaqe deri në 800 metra katrorë u kritikua ashpër nga Shoqata Gjermane e Tregtisë, sepse sipas saj ky vendim çon në “shtrembërim të konkurrencës dhe pasiguri ligjore”. /DW/

Të fundit

Jorida Tabaku pranon dështimin e PD-së: Nuk ia dolëm për rrotacionin

Arriti të sigurojë mandatin në Tiranë por sërish nuk e quan betejë të fituar. Jorida Tabaku shprehet se aksioni...

Drejtoresha e Spitalit të Gramshit e pranon: Fëmijët në kopësht u helmuan

Drejtoresha e Spitalit të Gramshit ka reaguar pas lajmit se disa fëmijë të një kopështi shtetëror në Gramsh janë helmuar nga ushqimi që kanë...

KQZ miraton rezultatin final të zgjedhjeve, PD ankimon për Kukësin

Komisioni Qendror i Zgjedhjeve ka miratuar rezultatin përfundimtar të zgjedhjeve të 11 majit në 12 qarqet e vendit, duke i hapur rrugë fazës së...

Kapet në Firence çifti shqiptar me 23 kg kokainë të pastër

Një operacion i policisë italiane në Firence ka çuar në arrestimin e një çifti shqiptar, të dyshuar për trafik ndërkombëtar droge. Dy të rinjtë,...

Taylor Swift e lumtur që miqësia me Lively ka mbaruar!

Taylor Swift thuhet se ka hequr dorë nga miqësia e saj dhjetëvjeçare me Blake Lively pasi u përfshi pa dëshirë në dramën ligjore të...

Lajme të tjera

Web TV