Deputetët do të rikthehen ditën e sotme në Kuvend. Ata do të mblidhen për herë të parë në orën të kësaj të enjte që pas përhapjes së koronavirusit.
Në seancën e ditës së sotme pritet të miratohen disa ndyshime në Kodin Penal. Ndryshimet parashikojnë ndëshkimin e të gjithë personave që shkelin masat e marra për parandalimin e koronavirusit.
Gjithashtu do të ketë diskutime edhe për zgjatjen e afatit të hetimit nga Komisioni Hetimor për shkarkimin e Presidentit Ilir Meta si dhe për dy dekretet e kreut të shtetit, për Anti-KÇK dhe ligjin e pronave.
Deputetët do të duhet të ndjekin rregullin e distancimit social për të shmangur ndonjë infektim të mundshëm. Ata do të shpërndahen në të gjithë sallën, në lozhat anësore të katit të parë dhe të dytë si dhe galerinë e sipërme të sallës.
Ata do të jenë të pajisur me maska, doreza dhe dezinfektantë.
Në hyrje të sallës së Seancave ka një grup mjekësor që do t’u masë temperaturën deputetëve dhe punonjësve të administratës së kuvendit.
