Policia ka arrestuar ditën e sotme të kërkuarin Ilir Selmani i cili është një nga personat e dyshuar të ngjarjes së ndodhur me datë 27.08.2019, në rrugën “Xhanfize Keko”, ku ka mbetur i vrarë me armë zjarri ish-polici, Santiago Malko.
Policia ka bërë me dije se ai është kapur sot në mesdite në rrugën “Endri Keko” dhe i është gjetur dhe sekuestruar një armë zjarri e tipit pistoletë dhe municion luftarak.
Ndaj Ilir Selmanit është marrë masa “Arrest në burg”. Ai akuzohet për “Vrasje me paramendim” dhe “Mbajtja pa leje e armëve, armëve shpërthyese dhe municionit”, të kryera në bashkëpunim në formën e grupit të strukturuar kriminal.
Materialet procedurale do t’i kalojnë Prokurorisë së Posaçme Kundër Korrupsionit dhe Krimit të Organizuar.
