Një emigrant shqiptar i karantinuar në një hotel në Gjirokastër ka treguar për vështirësitë dhe çmimet e larta me të cilat po përballet.
Bëhet fjalë për Pëllumb Kadiun i cili shprehet se nuk po mundet të përballojnë çmimet e ushqimit, pasi sipas tij një sufllaqe në Gjirokastër kushton 200 lekë të rinj.
Pasi është kthyer nga Greqia ku ka shkuar për të vizituar një kushëri është karantinuar 14 ditë në hotel.
“Një të ardhur këtu, më morën me këta më thanë bëj 14 ditë. Unë jam vetë i 4 familjar dhe kam dy fëmijë tek shtëpia dhe gruan dhe unë marr 40 mijë lekë të vjetra asistencë. Ku t’i marr ato lekë, të paguaj hotelit, të ha të pi. Kështu i bie të dal të bëhem vrasës me pagesë a diçka tjetër. Ai i fast food thotë 2 mijë lekë një sufllaqe e një sanduiç”, shprehet Kadiu për Report Tv.
