Qeveria greke deklaron se rihapja e kufijve tokësorë do të bëhet më 15 maj. Kjo deklaratë e qeverisë greke dëshmon se deri në këtë datë nuk do të ketë hapje as nga qeveria shqiptare.
Rihapja e kufijve tokësorë dhe detarë mes Shqipërisë dhe Greqisë për këmbësorë dhe automjete kërkon një lloj reciprociteti për të qenë një masë e zbatueshme.
Njoftimi është bërë i ditur prej ministrisë greke të transportit, sipas të cilit deri në 15 maj, nuk do të ketë asnjë linjë tokësore apo detare me vendet në kufijtë tokësorë.
Gjithashtu sipas njoftimit nuk do të lejohen të qarkullojnë në ujërat greke dhe mjetet lundruese turistike, skafet apo jahtet.
Përjashtim bëjnë vetëm shtetasit me pasaporta shqiptare të cilët shkojnë në Shqipëri dhe anasjelltas, ata me pasaporta greke që kthehen në Greqi, por edhe këta, vetëm nëse plotësojnë deklaratën përkatëse dhe kanë autorizim nga ambasada e vendit përkatës.
