Bota është prej muajsh në luftë të pandalshme me koronavirusin. Shumë personazhe të njohur po mundohen të vijnë në ndihmë sadopak.
Kështu ka bërë edhe pricesha Sofia e Suedisë e cila është bashkëshortja e princit Carlo Filippo.
Princesha ka hequr kurorën dhe ka vendosur të punojë si vullnetare në spitalin e Stokholmit. Lajmi është bërë me dije oborri mbretëror në një deklaratë për shtyp raporton ‘Glamour’.
Princesha, 35 vjeç ndoqi një program formimi dhe më pas mori pjesë si vullnetare në spital.
Në një fotografi princesha simpatike shihet e veshur si infermiere.
“Në krizën ku ndodhemi, princesha dëshiron që të japë kontributin e saj për të lehtësuar punën e profesionistëve të shëndetit. Sofia do të asistojë infermierët dhe mjekët me dezinfektimin e pajisjeve dhe me pastrimin”, tha familja mbretërore në deklaratë.
Aktualisht, në Suedi numërohen 1400 viktima nga COVID-19 dhe 13.216 të infektuar.
