Pak minuta më parë 47 persona janë riatdhesuar nga Stambolli në aeroportin e Rinasit.
Sakaq, bëhet me dije se qytetarët do të akomodohen fillimisht në Durrës, në dy hotelet e vendosura nga qeveria, ku do të jenë të karantinaur për dy javë.
Ndërkohë hotelet e karantinimit në Durrës që do të ruhen nga ushtria, ndërsa kamerat do të monitorohen nga Policia e Shtetit.
Kujtojmë që paketa e fluturimit është 100 € dhe paguhet nga personi dhe 21 € në ditë për akomodimin 14-ditor në hotel, prej të cilave 14 € do të mbulohen nga qeveria për fjetjen e shërbimin me standardet Anti-COVID-19, ndërsa vetëm 7 € do të paguhen nga personi për ushqimin.
