Ministria e Shëndetësisë argjentinase ditën e premte, me anë të një mjeku dha disa këshilla mbi shëndetin seksual. Sipas mjekut, është e këshillueshme që në këtë kohë pandemie, njerëzit të praktikojnë masturbimin dhe seksin virtual.
Kjo u bë në mënyrë që njerëzit mos të thyejnë karantinën. Shteti argjentinas ka dekretuar karantinën e detyrueshme në të gjithë vendin që nga 20 marsi.
Mjeku tregoi se koronavirusi transmetohet shumë lehtë përmes veprimeve të përditshme, siç janë puthjet. Për këtë arsye, mjeku i kërkoi popullatës “të shmangte takimin me njerëzit me të cilët nuk jetonin” dhe i bëri thirrje qytetarëve të respektojnë masën distancuese sociale. “Ne duhet të kemi parasysh që këto masa janë kalimtare dhe janë mjeti më i mirë që kemi,” siguroi ai.
Përveç këshillimit për përdorimin e prezervativëve për të parandaluar sëmundjet seksualisht të transmetueshme dhe shtatzënitë e padëshiruara, mjeku ofroi edhe rekomandime për higjienën gjatë masturbimit. “Larja e duarve pas seksit, pas masturbimit ose pas seksit virtual është më e rëndësishme se kurrë”, tha ai.
“Është e rëndësishme të lani dhe dezinfektoni tastierat, telefonat, lodrat seksuale dhe çdo send tjetër që ne kemi përdorur, edhe nëse nuk është ndarë me njerëzit e tjerë”, shtoi ai./Fjala.al/Burimi:LaVanguardia
