Ashtu si e gjithë bota edhe Shqipëria ka festuar këtë vit Pashkët si asnjëherë më parë. Në asnjë vend të botës qytetarët nuk janë lejuar të festojnë në kisha këtë ditë, por kanë qëndruar në shtëpitë e tyre.
Për të dhënë sadopak lumturi dhe për të hequr mërzinë e izolimit banda frymore e qytetit ka luajtur disa pjesë orkestrale ndërsa ecte përmes pallateve.
Të nisur nga rruga e Durrësit të gjithë anëtarët e bandës frymore kanë përshkruar edhe disa rrugë të tjera, ndërkohë që luanin muzikë, duke u rikujtuar qytetarëve se kjo është një situatë që nuk do të qëndrojë gjatë dhe vendi shumë shpejt do t’i rikthehet normalitetit.
Duke dalë në dritare, qytetarët kanë sjellë në një lloj forme atmosferë festive për banorët e kryeqytetit./Fjala.al/
https://www.facebook.com/ErionVeliaj/videos/664535977698688/
