Presidenti i Shteteve të Bashkuara, Donald Trump i ka bërë me dije Kinës se nëse përhapja e virusit ka ndodhur me vetëdije atëherë ky vend është “përgjegjës” për çfarë po ndodh tashmë në botë.
“Mund të ndalej në Kinë para se të niste përhapja, e gjithë bota po vuan për shkak të kësaj”,-deklaroi Trump para gazetarëve në Shtëpinë e Bardhë.
Presidenti i SHBA-ve dhe disa zyrtarë të lartë amerikanë kanë akuzuar Kinën për mungesë të transparencës pas shpërthimit të virusit në Ëuhan.
Madje këtë javë, Trump pezulli fondet për Organizatën Botërore të Shëndetësisë pas akuzave për keqmenaxhim dhe fshehje të situatës në Kinë.
Amerika dhe Kina janë përplasur për virusin ndërsa Trump ka fajësuar presidentin Xi Jinping për mosndërhyrje. Madje kreu i SHBA-ve e ka quajtur “virus kinez” përhapjen e koronavirusit të ri në botë./Fjala.al/
