Një masakër e madhe ka ndodhur në provincën Nova Scotia, në lindje të Kanadasë, ku 16 personave kanë mbetur të vdekur. Një burrë i veshur si polic qëlloi me armë zjarri mbi 15 persona, ndërsa mbeti edhe vetë i vrarë pas një përballje prej 12 orësh me policinë.
I dyshuar si autor i masakrës, Gabriel Wortman, përdori edhe një makinë të ngjashme me të policisë, çka duket se ka shkaktuar më shumë konfuzion te njerëzit.
Ende nuk dihet se cili ka qenë shkaku që e çoi autorin drejt këtij akti të rëndë.
Ngjarja ka tronditur qytetin e vogël të Portapique, ndërkohë që policia thotë se po punon ende për të identifikuar numrin e plotë të viktimave.
