Barcelona drejt “rrënimit”/ Nga sherri Messi-Abidal te dorëheqja e Rousaud

113 563 lexime

124,178FansaPëlqeje

Skuadra e Barcelonës është gjendur këtë vit përballë një sërë skandalesh e sherresh të brendshme, të cilat duket se janë duke e rrënuar klubin katalanas dhe kanë shuar “shkëlqimin” që ishte arritur me shumë mund

Viti 2020 ka ardhur plot skandale për skuadrën e Barcelonës, e cila së fundmi është përballur dhe me dorëheqjen e 6 menaxherëve përfshirë këtu ish-Zv. Presidentin Emili Rousaud.

Pas skandalit që bëri publik faktin se klubi katalanas ka paguar “I3 Venture” me 1 milion euro për të sulmuar dhe prishur imazhin e yjeve e legjendave të skuadrës kundërshtarë të Presidentit Josep Maria Bartomeu, tashmë ish-pjesëtarë të Barçës kanë zbuluar detaje të tjera.

Ish-Zv. Presidenti i Barcelonës, pasi dha dorëheqjen ka qenë shumë më i qartë në deklaratat e tij ku insiston mbi korrupsionin brenda klubit dhe hedh akuza të forta në lidhje me çështjen e “13 Ventures”. “Unë mendoj se dikush ka arritur në kuti,” tha ai, megjithëse pa treguar emrin e askujt. Ajo që biznesmeni katalan mund të guxojë të pohojë është se “ka pasur një seri parregullsish” që i kanë penguar ata “të kërkojnë rrugën tjetër” përveç dorëheqjes, tha Rousaud për ‘El Món a RAC1’.

Më tej ai ka akuzuar Presidentin e Barçës, Josep Maria Bartomeun, se pas auditimit të bërë në lidhje me skandalin e “13 Venture” u kërkoi që 6 menaxherët në fjalë të japin dorëheqjen. “Me sa duket (Bartomeu) tashmë e di se çfarë thotë ai auditim dhe është me siguri është një nga faktorët pse ai na ftoi të japim dorëheqjen.”-deklaroi Rousaud. Këto akuza sollën më pas edhe kundërpërgjigjen e klubit katalanas, i cili kërcënoi ish-zv/presidentin se do të përballet me veprime juridike.  Dorëheqjen nga posti e kanë dhënë menaxherët Enric Tombas, Silvio Elias, Maria Teixidor, Josep Pont dhe Jordi Calsamiglia si dhe ish-Zv./Presidenti Emili Rousaud.

Lexo edhe :  Drejtuesi i Milanit: Tare, njeriu i duhur për të nisur një epokë të re te Milani

Ndërkohë rikujtojmë se që në ditët e para të vitit 2020, Barça  gjend përpara përplasjeve e skandaleve. Përplasjet e brendshme Messi-Abidal nga ana tjetër tronditën fort themelet e klubit katalanas. Ndërsa Drejtori Sportiv fajësonte lojtarët për largimin e ish-trajnerit Ernesto Varverde, ylli i skuadrës i kërkoi Erik Abidal që të fliste me emra konkretë e të mos aludonte.

Këto përplasje dhe skandale ku përfshihet së fundmi dorëheqja e kandidatit të vazhdimësisë së Bartomeut, Rousaud dhe akuzat e tij ndaj klubit dhe drejtuesit aktual janë duke e zhytyr akoma më thellë Barçën në krizën që ka filluar në janar e që duket se ka për të zgjatur edhe për shumë kohë përpara. Barcelonës tashmë i duhet shumë punë që të rikthejë shkëlqimi dhe vëmendjen e të gjithëve të sukseset si skuadër./Fjala.al/Katerina Tafa/

 

Të fundit

Nusret publikon foton me Ramën gjatë finales së Champions League: Më shumë se një mbret!

Kuzhinieri dhe biznesmeni me origjinë turke, Nusret Gokçe, i njohur si “Salt Bae” dhe kryeministri shqiptar, Edi Rama janë...

Profesori kërkoi falje pas kërcënimit ndaj vajzës, Meloni: Gjest prej budallai

Autori i një mesazhi kërcënues ndaj vajzës së mitur të kryeministres italiane Xhorxhia Meloni është identifikuar si Stefano Addeo, 65 vjeç, profesor i gjuhës...

Dyshimet për sabotim, shtatë të vdekur nga shembja e urës në Rusi

Të paktën shtatë persona u vranë kur një urë mbi një linjë hekurudhore u shemb në rajonin kufitar rus të Bryansk. Siç njoftoi guvernatori rajonal...

Durrës/ Motori fiket në mes të detit, një turist vdes, një tjetër dërgohet në spital

Një ngjarje tragjike është regjistruar në Gjirin e Durrësit, ku Policia Kufitare ka gjetur dy turistë në det të hapur, me një motor uji...

“Ma ka mbyll derën baba”, Sula: Berisha, makinë e vjetër!

Dashnor Sula ishe këtë të shtunë i ftuar në “Now” në Euronews Albania ku ka folur rreth zhvilimeve të fundit politike në vend. Ai ka...

Lajme të tjera

Web TV