Të lindësh në kohën e koronavirusit mund të jetë një sfidë vërtet e vështirë. Sidomos kur prindërit ta vendosin emrin ‘Dezinfektues’.
Kjo i ka ndodhur një bebeje në Indi. Prindërit u shprehën për “Kidspot” se morën këtë vendim pasi dezinfektuesi ka aftësinë që të luftojë virusin.
“Sa herë që njerëzit të flasin për koronavirusin, do të kujtojnë se dezinfektuesi i shpëtoi”, tha babai Omvir Singh.
Më herët janë raportuar edhe emra të tjerë të çuditshëm për fëmijët që kanë lindur në këtë periudhë. Një shembull janë edhe binjakët Corona dhe Covid, të lindur, po në Indi.
