Pas më shumë se një muaji pezullim, shtypi i shkruar u rikthye te lexuesi. Gazetat në Shqipëri e ndërprenë prodhimin më 12 mars për shkak të pandemisë së koronavirusit. Vendimi u mor për të mbrojtur shëndetin e lexuesve nga virusi dhe tani situata është qetësuar gazetat rikthehen sërish në treg.
Edhe Gazeta Fjala u rikthye më 20 prill te lexuesit e saj. Ndonëse një gazetë e re në një treg jo shumë të favorshëm, Gazeta Fjala ka arritur të hyjë me shpejtësi në përditshmërinë e qytetarëve që mbeten besnikë të shypit të shkruar.
Nga sot, në të gjitha pikat e shitjeve të gazetave, do të mund të gjeni Gazetën Fjala, e cila do të sjellë si gjithmonë këndvështrime ndryshe, analiza të thelluara dhe opinione interesante.
