Disa shkencëtarë brazilian që janë duke u marrë me studimin e koronavirusit kanë bërë disa filmime në momentin që virusi infekton qelizat e trupit të njeriut.
Shkencëtarët në fjalë janë duke bërë një studim ku janë duke vëzhguar me mikroskop elektronik reagimin e virusit në trup.
Sipas medias brazilian e “AGENCIA EFE” ekspertët e Institutit Oswaldo Cruz (IOC/Fiocruz), që konsiderohet si qendra më e madhe hulumtuese në Amerikën Latine, kanë arritur të filmojnë momentin kur virusi më i rrezikshëm i momentin hyn në qelizat e njeriut.
Grimcat e koronavirusit shfaqen në formën e pikave të zeza që ngjiten në qelizë dhe përpiqen të depërtojnë në membranën qelizore.
Më tej shihet teksa koronavirusi futet në qelizë dhe arrin deri te citoplazma, ku gjenden të gjitha materialet e nevojshme për jetën e qelizës, por edhe proteinat, vitaminat, acidet nukleike, aminoacidet, sheqernat, karbohidratet dhe acidet yndyrore etj.
Ndërsa më pas grimcat e virusit depërtojnë në qelizë dhe duken si pika të zeza në një rreth të bardhë. Nga këto filmime shikohet se hapi i fundit është kur këto grimca largohen nga brendësia e qelizës dhe lëvizin drejt një qelize tjetër të shëndetshme, duke vazhduar kështu ciklin e infeksionit./Fjala.al/
