Në Itali në 24 orët e fundit janë 2,723 persona të shëruar nga COVID-19. Numri i përgjithshëm i atyre që kanë fituar betejën më koronavirusin është deri më sot 51,600 persona.
Në repartet e terapisë intensive sot janë shënuar 102 pacientë më pak e numri i tyre aktual është 2,471.
Italia ka dhe pak ditë kohë për nisjen e fazës 2 të luftës kundër pandemisë Covid 19 e cila do të nisë pas datës 4 maj e në bazë të një plani me linja homogjene që do të respektojë veçantitë, nevojat e problematikat e çdo rajoni e province.
Por kjo fazë e re do të ketë si rregull themelor respektimin e sigurisë e mbrojtjes personale të çdo individi me përdorimin e maskave të detyrueshëm , të dorezave e të distancës sociale deri sa të ketë një vaksinë kundër Covid 19.
Analiza e të dhënave të ditës së sotme me gjithë numrin e lartë të viktimave e të të infektuarve sjellin një konfirmim të përmirësimit të kurbës së pandemisë.
