Nëse zgjedhjet paralamentare do të zhvilloheshin sot, Partia Socialiste do të merrte 55.1% votave të shqiptarëve. Ky është rezultati që del nga sondazhi i realizuar nga Eduard Zaloshnja dhe i publikuar mbrëmë në emisionin ‘Real Story’ në News 24.
Rritja e Partisë Socialiste është 7% më shumë se votat që mori në zgjedhjet e vitit 2017-të.
Mendohet se kjo rritje ka ardhur si rezultat i përballjes me pandeminë e koronavirusit, pasi në situata të tilla kritike vihet re një tendecë për mbështetje më të madhe ndaj Qeverisë. Të njëjtën rritje po përjetojnë edhe qeveritë e tjera në Evropë.
Edhe Partia Demokratike ka një rritje të konsiderueshme të mbështetjes popullore, sipas këtij sondazhi, duke arritur në shirën e 34.2% nga 28.6% që kishte në 2017-ën.
Ajo që bie në sy në sondazh është rënia drastike e Lëvizjes Socialiste për Integrim. Vetëm 3.5% e shqiptarëve do të votonin sot për partinë e Monika Kryemadhit, ndryshe nga 14.1% të mbështetjes që mori 3 vite më parë.
Partitë e vogla kanë të gjitha rënie në mbështetjen e qytetarëve.
