Një 45-vjeçare ka rënë nga një lartësi e konsiderueshme e një pallati në rrugën “Panorama”, në kryeqytet duke gjetur vdekjen.
Menjëherë në vendngjarje ka shkuar policia e cila po heton rreth shkaqeve që e kanë çuar gruan të hidhet nga lartësia.
Sipas policisë, gruaja me inicialet A.SH vuante nga probleme të shëndetit mendor.
Tiranë/Informacion paraprak
Më datë 21.04.2020, rreth orës 17:20, në rrugën “Panorama”, ka rënë nga lartësia në sheshpushimin e pallatit, shtetasja A.SH., rreth 45 vjeçe, e cila ka ndërruar jetë, sipas ekipit të ambulancës.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes, ku paraprakisht dyshohet se vuante nga probleme të shëndetit mendor.
