18 raste të reja me koronavirus janë konfirmuar në qytetin e Krujës. Lajmi nuk është ende zyrtar, edhe pritet konfirmimi i Ministrisë së Shëndetësisë në konferencën e mesditës.
Në qytetin pranë Tiranës ka dyshime të forta se situata me COVID-19 ka dalë tashmë jashtë kontrollit, pasi në 30 testime që janë bërë 24 orët e fundit, 18 prej tyre kanë rezultuar pozitive.
Shumica e rasteve pozitive janë punonjëse të fasonerive.
Kujtojmë se ditën e djeshme u konfirmuan 11 raste infektimi në një fasoneri në Krujë.
Me konfirmimin e 18 rasteve të reja në Krujë, numri total i infektimeve në këtë qytet do të arrijë në 58, duke u renditur i treti pasi Tiranës dhe Shkodrës.
