Sot është lajmëruar nisma e fundit e Komisionit Evropian, ku do të alokohet një fond prej 3 miliard Euro për të ndihmuar 10 vende fqinjë dhe që aspirojnë të bëhen pjesë e Bashkimit Evropian. Nga ky fond Shqipëria do të përfitojë 180 milionë euro, dhe vendet e tjera përfituese janë Kosova, Maqedonia e Veriut, Mali i Zi, Bosnjë dhe Hercegovina, Gjeorgjia, Jordania, Moldavia, Ukraina dhe Tunizia.
Për këtë ka reaguar dhe Vladis Dembrovskis, zëvendës President i Komisionit Evropian. Në një postim në medias sociale ai shkruan: BE dëshiron të mbështesë vendet partnere të saj në përballjen me pasojat ekonomike të #coronavirus. Komisioni Evropian planifikon përdorim të veçantë të kredive për ndihmë makro-financiare për t’i ndihmuar ata të adresojnë nevojat e menjëhershme të financimit, siç është kujdesi shëndetësor.
Ky fond do të vihet në dispozicion për 12 muaj në formën e kredive me kushte mjaft të favorshme për t’i ndihmuar këto vende.
