Organizata Botërore e Shëndetësisë deklaroi ditën e sotme se edhe pse koronavirusi gjendet në fazat e para në Afrikë, Amerikën Qendrore dhe atë të Jugut, ai po pëson një rritje shqetësuese
OBSH paralajmëroi gjithashtu se hapja ndaj udhëtimeve midis vendeve të ndryshme të botës duhet të menaxhohet me kujdes.
“Shumica e vendeve janë ende në fazat e para të epidemisë dhe ato që u prekën më herët nga pandemia kanë filluar të ‘shërohen’ në pjesën më të madhe të rasteve”, u shpreh drejtori i përgjithshëm i OBSH-së Tedros Adhanom Ghebreyesus gjatë një komunikimi online me gazetarët në Gjenevë të Zvicrës.
“Mos bëni gabim, ne kemi akoma një rrugë të gjatë për të bërë. Ky virus do të jetë me ne edhe për një kohë të gjatë” , shpjegoi ai, ndërsa vuri në dukje ringjalljen e vendeve në Evropën Perëndimore.
Ndërkaq, eksperti i lartë i urgjencave të OBSH-së, Dr Mike Ryan paralajmëroi për rrezikun që mund të ketë një hapje e shpejtë në rang botëror, duke thënë se kjo do të kërkonte një “menaxhim të kujdesshëm të rrezikut nga koronavirusi”./Përshtati nga WTVB për Fjala.al, B.Quku
