Gjermania ka vendosur masa të reja për parandalimin e koronavirusit. Në këtë shtet do të bëhet e detyrueshme vendosja e maskave.
Rajoni i parë federal që ka mbështetur këtë nismë është Bremeni. Senati i këtij vendi ka konfirmuar vendimin të premten.
Vendosja e maskave do të jetë e detyrueshme kur përdoret transporti publik në gjithë Gjermaninë dhe gati të gjitha shtetet do të marrin vendim për vendosjen e tyre edhe gjatë blerjeve nëpër dyqane.
Ndërkohë, këtë ide e ka mbështetur edhe kancelarja gjermane, Angela Merkel, e cila ka rekomanduar fuqishëm vendosjen e tyre javën e kaluar, kur ka lehtësuar masat e izolimit në nivel kombëtar.
Kujtojmë se shtete të ndryshme kanë marrë vendime të ndryshme sa u përket udhëzimeve për përdorim të maskave. Kështu, Austria i ka bërë ato të detyrueshme gjatë blerjeve nga fillimi i këtij muaji, ndonëse Zvicra ka njoftuar të mërkurën se nuk të kërkojë vendosjen e tyre nga qytetarët, teksa lehtëson masat e izolimit.
Aktualisht, në Gjermani numërohen 145,694 të infektuar me COVID-19.
