Studentët i kanë dërguar sot Këshillit Bashkiak të Tiranës një peticion me 332 firma të tyre në lidhje me tarifat e konvikteve.
Drejtoria e Qytetit Studenti kërkojnë nga Këshilli Bashkiak Tiranë që të marrë vendim për anulimin e tarifave të konvikteve.
“Prej datës 9 Mars 2020 ne nuk po shfrytëzojmë, përdorin apo të marrin shërbimet për të cilat kanë paguar tarifat e akomodimi sipas kontratës”,-tha Tea Zeqaj përfaqësuese e studentëve në Qytetin Studenti.
Peticioni në fjalë përfshin shqetësimin e rreth 5400 studentëve të lënë pa asnjë komunikim dhe vendim nga Drejtoria e Qytetit Studenti prej datës 9 Mars 2020, kur ky institucion urdhëroi që studentët të largohen nga konviktet për arsye sigurie.
Studentët janë duke kërkuar nga Këshilli Bashkiak Tiranë të marrë vendim për anulimin e tarifave të konvikteve, pasi prej datës 9 Mars 2020 studentet nuk po shfrytëzojnë, përdorin apo të marrin shërbimet, për të cilat kanë paguar tarifat e akomodimi, sipas kontratës për një vit të plotë.
Bazuar në faktin që, Rezidenca Studentore Universitare Nr. 1 (Qyteti Studenti) është një SH.A në zotërim të plotë të Bashkisë Tiranë dhe nga vendimi i qeverisë për shtyrjen e gjendjes së fatkeqësisë kombëtarë, e cila do të vijojë edhe muajt në vijim dhe bazuar në nenin 19 të ligjit për Vetëqeverisjen Vendore, Qëndresa Qytetare inicioi dhe administroi këtë peticion elektronik i cili gjeti mbështetjen e 332 studentëve që e nënshkruan./Fjala.al/