Një raport i botuar nga Instituti për Studime të Politikave ( IPS) tregon se pasuria e miliarderëve të Amerikës, si themeluesi i Amazon.com Inc Jeff Bezos dhe shefi i Tesla Inc Elon Musk, u rrit me gati 10% që nga fillimi i pandemisë së koronavirusit. 
Rritja e pasurisë së tyre ndodhi në një kohë kur rreth 22 milion amerikanë janë të papunë nga koronavirusi.
Megjithëse ekonomia po përballet me një recesion, aksionet e teknologjive si Zoom janë rritur, kjo si pasojë e konsumit nga njerëzit në karantinë, të cilët punojnë përmes video-konferencave.
“Kjo është e historia e dy pandemive, në një sakrificë krejt të pabarabartë”, tha Chuck Collins, një bashkautor i raportit.
“Nga 1 janari deri më 10 prill të këtij viti, 34 prej miliarderëve më të pasur të SHBA-ve vlera e tyre neto u rrit me dhjetëra miliona dollarë”, thuhet në raport.
Sipas raportit të IPS, tetë nga këta miliarderë përfshirë Bezos, themeluesit e Zoom Video Communications Inc Eric Yuan dhe Musk u rritën me një kapërcim prej 1 miliardë dollarësh në vlerën e tyre totale neto./Përshtati nga Fox Business, për Fjala.al, B.Quku
