Ambasada e Shteteve të Bashkuara të Amerikës në Tiranë ka bërë ka reaguar pas pezullimit të shërbimeve të vizave në të gjithë botën.
Interesimit të shumë shqiptarëve se kur do të hapen selitë diplomatike, Ambasada Amerikane u ka bërë me dije se do të ofrohen vetëm shërbime në raste emergjencash.
Në një postim në faqen zyrtare në “Facebook”, ambasada amerikane njofton se vendimi vjen në kuadër të masave lidhur me pandeminë COVID-19 që ka prekur të gjithë botën, përfshi edhe vendin tonë.
Postimi i plotë:
Në përgjigje të sfidave mbarë botërore lidhur me pandeminë COVID-19, Departamenti i Shtetit pezulloi shërbimet rutinë të vizave në të gjitha Ambasadat dhe Konsullatat Amerikane duke filluar nga data 20 mars 2020. Ambasadat dhe Konsullatat kanë anulluar të gjitha takimet rutinë të vizave dhe shërbimeve për qytetarët amerikanë. Ambasada e Shteteve të Bashkuara në Tiranë ofron vetëm shërbime në raste emergjencash. Për më shumë informacion mbi vizat, klikoni këtu https://bit.ly/3cE8BSB./Fjala.al/
