Futbollisti me origjinë shqiptare i Arsenal, Granit Xhaka, së bashku me shokët e skuadrës, Nicolas Pepe, Alexandre Lacazette, David Luiz dhe Granit Xhaka kanë thyer rregullat e karantinës të vendosura për shkak të koronavirusit nga qeveria britanike.
Xhaka është parë nga qytetarët, teksa kishte thyer karantinën dhe po luante futboll së bashku me David Luiz në një park.
Pasi Arsenali mësoi për këtë lajm i tha “The Sun-it”: ‘Faleminderit që e sollët këtë në vëmendjen tonë. Ne do të flasim me lojtarët tanë.”
Ndërkohë ky veprim i lojtarëve të skuadrës së Arsenal nuk u mirëprit aspak nga dëshmitarët teksa janë shprehur: “Pse rregullat nuk janë njësoj për të gjithë? Jo të jenë rregulla të tjera për ata dhe rregulla të tjera për ne”.
Futbollistët e Arsenal kanë ndjekur një numër të lojtarëve të tjerë të Premier League, të cilët kanë shkelur rregullat e bllokimit të koronavirusit. Megjithatë duket se Arsenal ka për të marrë ndëshkime serioze ndaj lojtarëve të vetë, për këtë shkelje që rrezikon jetët e të tjerëve dhe pengon rikthimin sa më të shpejt të ndeshjeve të Premier Leagues.
Rikujtojmë se kohët e fundit trajneri i Tottenham, Jose Mourinho u detyrua të kërkojë ndjesë pasi ai mbajti një seancë stërvitore në një park me Tanguy Ndombele në Hadley Common, Barnet.
Të shumtë janë emrat e lojtarëve në Angli që kanë shkelur karantinën dhe kjo gjë ka acaruar së tepërmi qytetarët, të cilët qëndrojnë të izoluar dhe shohin pabarazitë në zbatimin e masave./Fjala.al/Katerina Tafa/
