Biznesmeni Matteo Cassiano ka nisur një nismë për të gjithë ata persona që kanë qenë në terapi intensive në Itali dhe ja kanë dalë të shërohen.
#Hosconfittoilcovid19 quhet nisma e Cassianos, i cili merret me biznesin e vlerësimit të pronave imobiliare dhe promovimin e territoreve italiane. Biznesmeni ka thënë se do të ofrojë pushime falas për të gjithë ata persona që mposhtin Covid 19.
“Duke nisur nga 1 qershori, kush ka mposhtur virusin mund të prenotojë pushimet në Kalabri, Marina di Tortora, Praia a Mare të San Nicola Arcella; në Basilicata të Maratea; në Sardegna të Porto Cervo, Arzachena; në Toskanë, Forte dei Marmi dhe në Lombardi, Lazio, Milano dhe Romë, për gjithë ata që synojnë turizmin kulturor”, -shkruhet në njoftimin e tij.
Ndërsa më tej ka bërë me dije se për mjekët dhe infermierët që për shkak të virusit duan të rrinë larg familjeve, vë në dispozicion disa banesa po falas./Fjala.al/
