Është rikthyer sërish në formë dhe këtë nuk ngurron ta shfaqë edhe në rrjetet e saj sociale, ku ndan gjithçka me fansat. 35-vjeçarja Khloe Kardashian po e kalon periudhën e karantinës në shtëpinë e saj në Casablanca, nga ku çdo ditë pushton portalet me lajmet që prodhon, qoftë edhe nga dhoma e gjumit.
Teksa rrëfen se firma e saj atletike po shndërrohet në një brand gjithnjë e më të kërkuar, duke pushtuar modën amerikane, Khloe rrëfen se po bëhet gati për një fëmijë tjetër. E për të mos ndërruar dorën, siç edhe vetë shprehet, thotë se babai do të jetë sërish Tristan Thompson, ish bashkëshorti i saj, me të cilin ka edhe vajzën e parë Emma.
Khloe thotë se tashmë ka nisur të ngrijë dhe të ruajë vezët, siç tashmë është shndërruar në modë, deri sa të përgatitet edhe ish-i i saj, Tristan.
Në një familje “moderne” si ajo Jenner-Kardashian, ky lajm u mirëprit, veç pjesës që babai i fëmijës do të jetë Tristan. Çifti u nda vitin e shkuar pasi Tristan e tradhtoi partneren e tij gjatë shtatzanisë, pak ditë përpara lindjes. Edhe pse marrdhënia e tyre ka përfunduar, të dy janë prindër të përkushtuar të Emës.
