Një nga prodhuesit kryesorë të dezinfektimit ka lëshuar një deklaratë urgjente, ku paralajmëron klientët e tij që të mos përpiqen ta injektojnë tek vetja dezinfektuesin që ka sugjeruar Donald Trump se do t’i shërojë nga koronavirusi.
Në një konferencë për mediat nga Shtëpia e Bardhë Trump deklaroi se dezinfektuesi që përdoret në sipërfaqet e jashtme, të përdoret edhe për të trajtuar pacientët me koronavirus.
“Unë e shoh dezinfektuesin që vret koronavirusin brenda një minute” tha ai.
“Brenda një minutë. Dhe a ka ndonjë mënyrë që ta bëjmë diçka të tillë, edhe me injeksion brenda trupit të njeriut?”, u shpreh Trump, ndërsa shtoi se “unë nuk jam mjek. Por jam një person që i çfarë them”.
Presidenti gjithashtu sugjeroi që rrezet ultravjollcë, mund të ndihmojnë në trajtimin e COVID-19.
Pas komenteve të tij, kompania RB, e cila është një nga prodhuesit e dezinfektuesve për tregun evropian, lëshoi një deklaratë duke i kërkuar publikut që të mos përpiqej të konsumojë produktet e saj.
“Për shkak të spekulimeve të kohëve të fundit RB (prodhuesit e Lysol dhe Dettol) është pyetur nëse përdorimi i brendshëm i dezinfektuesve mund të jetë i përshtatshëm për trajtimin e koronavirusin (SARS-CoV-2)” , tha një përfaqësues i kompanisë.
Sekretari për shtypin në Shtëpinë e Bardhë tha se Trump u nxor jashtë kontekstit kur ai sugjeroi që amerikanët të përdorin dezinfektues dhe rrezet ultravjollcë për të trajtuar koronavirusin.
“Si lider global në shëndetësi dhe në produktet e higjienës duhet të jemi të qartë se në asnjë rrethanë produktet tona dezinfektuese nuk duhet të administrohen në trupin e njeriut (përmes injeksionit, gëlltitjes ose ndonjë rrugë tjetër)”, shtoi përfaqësuesi i kompanisë.
Nga ana e tyre, ekspertët mjekësorë i dënuan sugjerimet Presidentit Donald Trump.
“Ky sugjerim për injektimin ose gllabërimin e çdo lloj produkti pastrues në trup është i papërgjegjshëm dhe është i rrezikshëm,” tha pulmonologu Dr Vin Gupta për NBC Neës .
Ai shtoi se “kjo është metodë që njerëzit e përdorin kur duan të vrasin veten”.
Pandemia e koronavirusit ka çuar në një seri kurash të rrezikshme krejt të rreme për shërimin e koronavirusit që përhapen në internet.
Qindra iranianë kanë vdekur pasi iu thanë se konsumimi i metanolit mund të kuronte COVID-19.
Qeveria e Mbretërisë së Bashkuar është distancuar nga komentet e Trumpit në lidhje me pacientët që të injektojnë tek vetja dezinfektues.
I pyetur nga Business Insider ditën e sotme mbi deklaratat e Trump-it, një përfaqësues për kryeministrin Boris Johnson tha se “Ne mund të flasim vetëm për Mbretërinë e Bashkuar, dhe në lidhje me dezinfektuesin sigurisht që nuk jemi në dijeni se është diçka që rekomandohet”./Përshtati nga Business Insider, për Fjala.al, Bardhi Quku/
